Çətin bir gecə oldu ancaq ayağa qalxmalıyıq

"Qalatasaray”ın futbolçusu Arda Turan Super Liqada “Fənərbaxça”ya uduzduqları oyunla (1:2) bağlı “instagram” hesabında paylaşım edib.

 Corner.az xəbər verir ki, 34 yaşlı futbolçu, “sarı-qırmızılar”ın azarkeşlərindən dəstəklərini davam etdirməklərini istəyib:

“Çox kefsiz bir gün keçirdik və çox məyusuq. Dünən əslində hər şey komandamızın adına yaraşan şəkildə idi. Azarkeşlərimiz, stadionumuz,  yaxşı oyunumuz… Bir derbi üçün çoxlu qol imkanları yaratdıq. Komanda olaraq hər şeyi etdik, bunu azarkeşlərimiz də gördü. Buna görə oyundan sonra futbolçuları tribunaya çağırdılar.

Yolumuz da var,  ümidimiz  də var. Düzdür, hamımız məyusuq, çox çətin gecə keçirmişik. Ayağa qalxmalıyıq çərşənbə axşamı bizi çətin oyun gözləyir. Tarix yazmaq üçün bir-birimizə çox ehtiyacımız var. Çərşənbə axşamı yenidən bir araya gəlib, birlikdə necə ayağa qalxmaq olur, bunu hər kəsə göstərək”.