- Türkiyə S.L.
- 23:02 15.03.2026
Türkiyə Futbol Federasiyası (TFF) "Qalatasaray"ın baş məşqçisi Fatih Terimi sərt cəzalandırıb.
Corner.az TFF-nin rəsmi saytına istinadən xəbər verir ki, buna 68 yaşlı mütəxəssisin evdə "Fənərbaxça"ya 1:2 hesabı ilə məğlub olduqları Superliqanın 13-cü tur matçında baş hakim Halil Umut Meleri təhqir etməsi səbəb olub.
Həmin qarşılaşmada qırmızı vərəqə ilə texniki zonadan qovulan Terim 5 oyunluq diskvalifikasiya cəzası alıb. O, derbidəki qırmızı vərəqəyə görə ümumilikdə 6 qarşılaşmada komandasının başında ola bilməyəcək.
