Futbol üzrə Türkiyə 1-ci liqasında 14-cü turun oyunları keçirilib. Corner.az xəbər verir ki, azərbaycanlı futbolçu Vüsal İsgəndərlinin formasını geyindiyi “Keçiörengücü” də növbəti matçına çıxıb.
Sözügedən kollektiv doğma meydanda “Ümraniyəspor”u qəbul edib. Futbolçumuzun komandası bu oyunda çətin qələbə qazanıb - 3:2.
Vüsal da bu görüşün iştirakçısı olub. O, 56-cı dəqiqədə meydana buraxılıb. Azərbaycanlı futbolçu meydana çıxandan 10 dəqiqə sonra sarı vərəqə ilə cəzalandırılıb.
“Keçiörengücü” 14 turdan sonra 13 xalla 19 kollektiv arasında 17-ci pillədə qərarlaşıb.
