Türkiyənin “Qalatasaray” klubu ciddi itki ilə üzləşib. Corner.az xəbər verir ki, Super Liqa təmsilçisinin qapıçısı Fernando Muslera sıradan çıxıb.
Uruqvaylı qolkiper Super Liqanın 16-cı turu çərçivəsində baş tutan “Sivasspor”la səfər matçında zədələnib. 35 yaşlı qapıçı, 80-ci dəqiqədə meydan sahiblərinin hücumu zamanı komanda yoldaşı Kristian Luyindama ilə toqquşub. Dizindən zədələn Muslera oyuna davam edə bilməyib və İsmail Çipe ilə məcburi əvəzlənib.
Musleranın durumunun tam olaraq ətraflı müayinələrdən sonra aydınlıq gələcəyi vurğulanıb.