- Türkiyə S.L.
- 23:56 23.04.2026
Türkiyə Super Liqasının 18-ci tur çərçivəsində "Yeni Malatyaspor" - "Kayserispor" komandaları arasında keçirilən görüşdən sonra insident baş verib.
Corner.az-ın məlumatına görə, Malatya təmsilçisinin prezidenti Adil Gevrek meydana daxil olaraq, oyunun baş hakimi Hüseyin Göçekə hücum çəkib. Buna səbəb referinin görüşün son dəqiqələrində qonaq komandanın lehinə penalti qərarı verməsi olub.
Göçek və köməkçiləri polislərin müşayiəti ilə paltardəyişmə otağına aparılıblar.
Qeyd edək ki, qarşılaşma 2:2 hesabı ilə başa çatıb.
