Türkiyə kubokunda 5-ci təsnifat mərhələsinin oyunları keçirilir. Corner.az xəbər verir ki, ilk oyun günündə beş qarşılaşma baş tutub.
8 qolun qeydə alındığı “Kasımpaşa” – “Kocaelispor” matçında meydan sahibləri növbəti mərhələyə adlayıblar. “Hatayspor” “Mənəmənspor”u, “Antalyaspor” “Girəsunspor”u, “Trabzonspor” “Boluspor”u mübarizədən kənarlaşdırıb. “Qalatasaray” isə “Dənizlispor”un müqavimətini qıra bilməyib. 6 qolun qeydə alındığı əsas vaxtının sonlarında İstanbul təmsilçisi qələbəni əldən verib, əlavə vaxtda hesab dəyişməyin. Qalibi bilmək üçün isə penaltilər seriyasına ehtiyac duyulub. 11 metrlik zərbələrdə daha dəqiq olan Dənizli təmsilçisi mərhələ adlayan tərəf olub.
Türkiyə kuboku
5-ci təsnifat mərhələsi
28 dekabr
Kasımpaşa – Kocaelispor 5:3
Hatayspor – Mənəmənspor 1:0
Antalyaspor – Girəsunspor 2:1
Trabzonspor – Boluspor 1:0
Qalatasaray – Dənizlispor 3:3 (penaltilər 5:6)
