Türkiyənin “Trabzonspor” komandasında iki futbolçu koronavirusa yoluxub. Corner.az xəbər verir ki, bu barədə klubun rəsmi saytı məlumat yayıb.
Ölkə çempionatının 21-ci turu çərçivəsində baş tutacaq “Sivasspor”la səfər oyunundan öncə Trabzon təmsilçisinin bütün üzvlərindən COVİD-19 testi götürülüb. Futbolçulardan ikisinin testlərinin nəticəsinin pozitiv çıxdığı vurğulanıb. Adları açıqlanmayan oyunçular karantinə alınıblar və Sivasa aparılmayacaqlar.
“Sivasspor” – “Trabzonspor” oyunu yanvarın 15-də keçiriləcək. Trabzon təmsilçisi 20 oyuna topladığı 49 xalla turnir cədvəlinə başçılıq edir.
