Türkiyənin “Qalatasaray” klubu sabiq futbolçusu və məşqçisi Albert Rieranı yenidən sıralarına qaytarıb. Corner.az xəbər verir ki, bu barədə klubun mətbuat xidməti məlumat yayıb.
İstanbul təmsilçisi 39 yaşlı məşqçinin “sarı-qırmızılar”ın yeni baş məşqçisi Domenek Torrenin köməkçilərindən biri kimi çalışacağını bildirib.
Xatırladaq ki, Albert Riera futbolçu kimi 2011-2014-cü illər aralığında məhz “Qalatasaray”ın uğurları üçün çalışıb. O, ötən mövsüm məşqçi kimi “Qalatasaray”a qayıtmış və bir müddət Fatih Terimin köməkçisi kimi çalışmışdı.
