Türkiyə 1-ci liqasında 22-ci turun oyunları keçirilir. Corner.az xəbər verir ki, Azərbaycan yığmasının yarımmüdafiəçisi Namik Ələskərovun formasını geyindiyi “Bursaspor” da bu gün növbəti matçına çıxıb.
Sözügedən komanda səfərdə “Eyupspor”un qonağı olub. Amma bu görüş sona qədər davam etməyib və yarıda dayandırılıb. Buna səbəb isə güclü qar yağışı olub. Hakimlər meydan sahiblərinin 1:0 hesabıyla öndə olduğu qarşılaşmanı qeyri-müəyyən vaxta təxirə salıblar. Görüşün nə vaxt davam etdiriləcəyinə Türkiyə Futbol Federasiyası qərar verəcək.
Namik də bu görüşün iştirakçısı olub. O, start heyətdə meydana çıxıb.
