Türkiyənin “Qalatasaray” klubu yarımmüdafiəçisi Aytaç Karanı göndərib. Corner.az xəbər verir ki, İstanbul təmsilçisi 28 yaşlı futbolçunu “Göztəpə”yə icarəyə verib. Bu barədə klubun rəsmi saytı məlumat yayıb. Kara mövsümün sonunadək İzmir təmsilçisində çıxış edəcək. O, bu mövsüm İstanbul klubunun heyətində 12 matça çıxıb.
Peşəkar karyerasına “Altay”da başlamış Aytaç Kara, daha sonra “Əskişəhərspor”, “Trabzonspor”, “Yeni Malatyaspor”, “Bursaspor” və “Kasımpaşa”da da forma geyinib.
