Türkiyə kubokunda 1/8 final mərhələsinə yekun vurulub. Corner.az xəbər verir ki, sonuncu oyun günündə iki qarşılaşma baş tutub.
Əvvəlcə “Alanyaspor” doğma meydanda “Adana Dəmirspor”la qarşılaşıb. Əsas və əlavə vaxtı heç-heçə bitən matçın qalibini müəyyənləşdirmək üçün penalti seriyasına ehtiyac duyulub. 11 metrlik zərbələrdə daha dəqiq olan Alanya təmsilçisi 1/4 finala vəsiqə qazanıb.
Ötən mövsümün qalibi “Beşiktaş” isə bu mərhələdə “Göztəpə” ilə üz-üzə gəlib. Bu matçın əsas və əlavə vaxtında qapılara qol vurulmayıb. Bu matçında qalibini müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən İstanbul təmsilçisi qələbə qazanaraq növbəti mərhələyə vəsiqə qazanıb.
Türkiyə kuboku
1/8 final
8 fevral
Kasımpaşa – Qaziantep 1:2
Qol: Oanes, 31 – Fiqeyredo, 42. Maksim, 81.
Fatih Karagümrük – Konyaspor 5:4
Qol: L.Mərcan, 7. A.Musa, 28. Borini, 67; 80-pen. E.Mor, 101 – Koka, 11; 21-pün. Amilton, 60. M.Çağıran, 87.
Fənərbaxça – Kayserispor 0:1
Qol: R.Çivelek, 90+4.
9 fevral
Bandırmaspor – Sivasspor 2:4
Qol: L.Ayçiçek, 34. Landel, 54 – Qradel, 2; 45+3; 89. Appyadanqoye, 79.
Hatayspor – Antalyaspor 0:2
Qol: Nado, 83. Rayt, 87.
Dənizlispor – Trabzonspor 1:2
Qol: M.Cecenoğlu, 58 – H.Türkmən, 8. Kouassi, 77.
10 fevral
Alanyaspor – Adana Dəmirspor 1:1 (penaltilər 4:2)
Qol: Eduardo, 22 – E.Öztümer, 38.
Beşiktaş – Göztəpə 0:0 (penaltilər 3:1)