Futbol üzrə Türkiyə 1-ci liqasında 25-ci turun oyunları keçirilib. Corner.az xəbər verir ki, azərbaycanlı futbolçu Namik Ələskərovun komandası “Bursaspor” da növbəti matçına çıxıb.
Sözügedən kollektiv səfərdə “Tuzlaspor”un qonağı olub. Futbolçumuzun komandası bu oyunda minimal hesabla məğlub olub – 0:1. Rəqibin iki futbolçusu (26 və 67-ci dəqiqələrdə) meydandan qovulmasına baxmayaraq, bursalılar 87-ci dəqiqədə buraxdıqları qolla məğlubiyyətdən qaça bilməyiblər.
Namik də bu görüşün iştirakçısı olub. O, start heyətdə meydana çıxıb və 80-ci dəqiqədə əvəzlənib.
“Bursaspor” 25 turdan sonra 24 xalla 19 kollektiv arasında 16-cı pillədə qərarlaşıb.
