Bursaspor'da ən çox meydanda olan futbolçu Ələskərovdur

Azərbaycan millisinin yarımmüdafiəçisi Namik Ələskərov çıxış etdiyi Türkiyə "Bursaspor"unda ən çox meydanda olan futbolçudur.

Corner.az-ın "olay.com.tr" saytına istinadən məlumatına görə, 27 yaşlı futbolçu indiyədək "timsahlar"ın heyətində ümumilikdə 1 722 dəqiqə oynayıb.

İkinci sırada 1 484 dəqiqə ilə xorvatiyalı müdafiəçi Luka Tsapan qərarlaşıb. İlk "3-lüy"ü belçikalı yarımmüdafiəçi Massimo Bruno (1 450) tamamlayır. 1 245 dəqiqə meydanda olan argentinalı orta xətt oyunçusu Nikolas Salasar isə dördüncüdür.

Qeyd edək ki, Namik Ələskərov "Bursaspor"la 2+1 illik müqavilə bağlayıb.