Tuçel Zinəddin Zidanın rekordunu qırdı

İngiltərənin "Çelsi" klubunun baş məşqçisi Tomas Tuçel UEFA Çempionlar Liqasında yeni rekorda imza atıb.

Corner.az "OptaFranz" nəşrinə istinadən xəbər verir ki, 49 yaşlı mütəxəssis buna Fransada "Lill"i 2:1 hesabı ilə qalib gəldikləri görüşdə nail olub.

Tuçel qitənin bir nömrəli klub turnirində keçirdiyi 50 oyunda 32 qələbə qazanıb. Alman mütəxəssis bu göstəriciyə görə 50 qarşılaşmada 31 qələbə əldə etmiş İspaniya "Real Madrid"inin sabiq baş məşqçisi Zinəddin Zidanı qabaqlayıb.

Qeyd edək ki, Londondakı matçda eyni hesabla qələbə qazanan "zadəganlar" 1/4 finala yüksəlib.