Türkiyə Super Liqasında 31-ci turun oyunlarına start verilib. Corner.az xəbər verir ki, ilk oyun günündə dörd qarşılaşma baş tutub.
“Girəsunspor” doğma meydanda “Sivasspor”la qarşılaşıb. Dörd qolun qeydə alındığı matçda qalib müəyyənləşməyib. “Altay” evdə “Antalyaspor”a məğlub olub.
“Fənərbaxça” səfərdə "Kayserispor”un qonağı olub və darmadağınla qalib gəlib.
Son 3 oyunda yalnız bir qələbə əldə edən “Qalatasaray” doğma meydanda “Fatih Karagümrük"lə üz-üzə gəlib. Meydan sahibləri bu matçda inamlı qələbəyə sevinib.
Türkiyə Super Liqası
31-ci tur
2 aprel
Girəsunspor – Sivasspor 2:2
Qol: U.Nayir, 72; 79 – Kayode, 39. Qradel, 44.
Kayserispor – Fənərbaxça 0:4
Qol: Zayç, 16. Rossi, 45. İ.Kahveçi, 54. A.Gülər, 90+3.
Altay – Antalyaspor 1:2
Qol: Rayan, 74-pen – L.Adriano, 25. Rayt, 70.
Qalatasaray – Fatih Karagümrük 2:0
Qol: Qomis, 4-pen. Babel, 12.