Futbol üzrə Türkiyə 1-ci liqasında 34-cü turun oyunları keçirilib. Corner.az xəbər verir ki, azərbaycanlı futbolçu Namik Ələskərovun komandası “Bursaspor” da növbəti matçına çıxıb.
Sözügedən kollektiv doğma meydanda “Dənizlispor”u qəbul edib. Futbolçumuzun komandası bu oyunda minimal hesabla qələbə qazanıb – 1:0.
Namik də bu görüşün iştirakçısı olub. O, start heyətdə meydana çıxıb və 64-cü dəqiqədə əvəzlənib. Komandasının yeganə qoluna da 30-cu dəqiqədə məhz Ələskərov imza atıb. Millimizin üzvü 55-ci dəqiqədə daha bir qol vurmaq şansı qazansa da, penaltidən dəqiq yararlana bilməyib.
“Bursaspor” 34 turdan sonra 35 xalla 19 kollektiv arasında 18-ci pillədə qərarlaşıb.
