Futbol üzrə Türkiyə Super Kubokunun qalibi müəyyənləşib. Corner.az xəbər verir ki, həlledici oyunda Super Liqanın sonuncu qalibi “Trabzonspor”la Türkiyə kubokunu qazanmış “Sivasspor” qarşılaşıb.
İstanbuldakı Atatürk Olimpiya Stadionunda təşkil olunmuş matçda Trabzon təmsilçisi 4:0 hesabı ilə qalib gəlib. Qollara dubl edən Andreas Kornelius (37 və 51), Yens Larsen (64) və Anastasios Bakasetas (75) imza atıblar.
Beləliklə, “Trabzonspor” tarixində üçüncü dəfə Super Kubok tituluna sahib olub. Sözügedən komanda 2010 və 2021-ci illərdə də oxşar uğura imza atmışdı.
