Fənərbaxça uduzdu, Beşiktaş lider oldu

Türkiyə Super Liqasında 4-cü tura yekun vurulub. Corner.az xəbər verir ki, sonuncu oyun günündə daha 2 qarşılaşma baş tutub.

“Fənərbaxça” səfərdə “Konyaspor”un qonağı olub və minimal hesabla uduzub. “Beşiktaş” isə doğma meydanda “Sivasspor”u qəbul edib və inamlı qələbəyə sevinib.

4 turdan sonra “Beşiktaş”la “Qaziantep” 10 xalla zirvədə şərikli qərarlaşıblar. “Adana Dəmirspor” 9 xalla 3-cüdür. 8 xala malik “Konyaspor” 4-cüdürsə, növbəti pillələrdə 7 xalı olan “Fənərbaxça”, “Başakşəhər”, “Qalatasaray” və “Trabzonspor” qərarlaşıblar.

Türkiyə Sper Liqası
4-cü tur
26 avqust

Qaziantep – Antalyaspor 5:2
Qol: Fiqeyredo, 28; 54; 73. Pexart, 58. Saqal, 67 – Rayt, 30; 40.

27 avqust

Fatih Karagümrük – Ankaragücü 4:1
Qol: S.Dursun, 2. Borini, 9; 48. Diaqne, 83-pen – Baniya, 53-öz qapısına.

Adana Dəmirspor – Ümraniyəspor 1:0
Qol: K.Rodriqes, 6.

Alanyaspor – İstanbulspor 0:1
Qol: Ethemi, 48.

28 avqust

Kasımpaşa – Hatayspor 1:0
Qol: Hayradinoviç, 36.

Kayserispor – Girəsunspor 3:0
Qol: O.Bulut, 22. Qavranoviç, 72. R.Çivelek, 87.

Trabzonspor – Qalatasaray 0:0

29 avqust

Konyaspor – Fənərbaxça 1:0
Qol: M.Dəmir, 66.

Beşiktaş – Sivasspor 3:1
Qol: Muleka, 12; 41. Veqorst, 29.