Türkiyənin “Başakşəhər” klubunun yarımmüdafiəçi Mesut Özil sıradan çıxıb. Corner.az xəbər verir ki, bu barədə klubun prezidenti Göksel Gümüşdağ yerli mətbuata açıqlamasında bildirib.
O, 33 yaşlı futbolçunun belində yaranmış problemlə əlaqədar əməliyyat olunacağını bildirib. Bu səbəbdən Özilin azı 3 ay yaşıl meydanlardan uzaq qalacağı gözlənilir.
Xatırladaq ki, Mesut Özil bu yay “Fənərbaxça”dan ayrılaraq “Başakşəhər”lə 1+1 illik sözləşməyə imza atıb. O, İstanbul təmsilçisinin heyətində 3 matça çıxıb.
