Türkiyənin “Başakşəhər” klubunun yarımmüdafiəçi Mesut Özil əməliyyat olunub. Corner.az xəbər verir ki, bu barədə klubun mətbuat xidməti məlumat yayıb.
33 yaşlı futbolçu belində yaranmış problemlə əlaqədar əməliyyat masasına uzanmaq məcburiyyətində qalıb. Bu gün baş tutan və 3 saat sürən əməliyyatın uğurlu keçdiyi vurğulanıb. Özilin bu zədəyə görə azı 3 ay yaşıl meydanlardan kənarda qalması gözlənilir.
Xatırladaq ki, Mesut Özil bu yay “Fənərbaxça”dan ayrılaraq “Başakşəhər”lə 1+1 illik sözləşməyə imza atıb. O, İstanbul təmsilçisinin heyətində cəmi 3 matça çıxıb.
