Türkiyənin “Antalyaspor” komandası ciddi itki ilə üzləşib. Corner.az xəbər verir ki, Super Liqa təmsilçisinin yarımmüdafiəçisi Alassane Ndao sıradan çıxıb.
25 yaşlı vinger Super Liqanın 9-cu turu çərçivəsində baş tutan “Konyaspor”la ev oyununda zədələnib.
Klubun mətbuat xidmətindən verilən məlumata görə, zədəsi ciddi olan seneqallı futbolçu azı 5 ay yaşıl meydanlardan kənarda qalacaq.
Alassane Ndao bu mövsümün əvvəlində Səudiyyə Ərəbistanının “Əl-Əhli” klubundan icarə əsasında “Antalyaspor”a keçib.
