Emreli'nin komandası Fənərbaxça'ya böyük hesabla uduzdu

Türkiyə Super Liqasında 23-cü turdan təxirə salınmış oyunlar keçirilib. Corner.az xəbər verir ki, bu gün 2 oyun baş tutub.

“Fənərbaxça” doğma meydanda “Konyaspor”u qəbul edib. Azərbaycan yığmasının futbolçusu Mahir Emrelini heyətinə qatan Konya təmsilçisi bu görüşdə darmadağına üzülüb. Mahir bu görüşün iştirakçısı olmayıb.

Üç qolluq “Girəsunspor” - “Kayserispor” matçında isə qonaqlar qələbəyə sevinən tərəf olub.

Hazırda 54 xala malik “Qalatasaray” vahid liderdir. “Fənərbaxça” 48 xalla ikinci, “Başakşəhər” 40 xalla üçüncü pillədə qərarlaşıb. 

Türkiyə Super Liqası
23-cü turun oyunları
25 fevral

Fənərbaxça – Konyaspor 4:0
Qol: Valensiya, 13-pen; 45+6. Kinq, 61. Salai, 78.

Girəsunspor – Kayserispor 1:2
Qol: Bayiç, 58 – Mane, 6. Tiam, 40.