Azərbaycan millisinin hücumçusu Mahir Emreli Türkiyə Superliqasının 24-cü turunda “Giresunspor”la keçiriləcək oyunda “Konyaspor”un heyətində debüt edəcək. Corner.az xəbər verir ki, bunu baş məşqçi Aleksandar Stanoyeviç açıqlayıb.
26 yaşlı forvardın hətta martın 5-dəki qarşılaşmada start heyətində meydana çıxması gözlənilir. Buna səbəb komandada başqa hücumçunun qalmamasıdı. Uçe İkpeazu və Muhammet Demir zədəlidisə, Mame Diuf 23-cü turda “Fənərbaxça” (0:4) ilə qarşılaşmada qırmızı vərəqə alıb. Bütün bunlar Emrelinin start heyətinə yolunu açıb.
Qeyd edək ki, Mahir Emreli “Konyaspor”a qış fasiləsində Zaqreb “Dinamo”sundan keçib.
