Azərbaycan millisinin hücumçusu Mahir Emrelinin formasını geyindiyi “Konyaspor”da üç günlük istirahət başa çatır. Corner.az saytının yerli mətbuata istinadən məlumatına görə, Super Liqa təmsilçisi bu gündən “Ümraniyespor”la çempionat oyununun hazırlığına başlayacaq.
Məşqə yalnız milli komandalarında olan 5 oyunçu yer almayacaq. Zədə səbəbindən Azərbaycan yığmasından kənarlaşdırılan Mahir Emreli də məşqlərə qoşula biləcək. Ancaq 25 yaşlı forvard hələlik kollektivdən ayrı fərdi çalışmalarla başlayacaq.
Onun “Ümraniyespor”la qarşılaşmaya qədər hazır olması gözlənilir.
