Türkiyənin “Fənərbaxça” klubunda daha bir futbolçu sıradan çıxıb. Corner.az xəbər verir ki, Super Liqa təmsilçisinin yarımmüdafiəçisi Miha Zayç zədələnib.
O, 29-cu tur çərçivəsində baş tutan “Ankaragücü” ilə oyunda əzələsini dartıb. Müayinələr nəticəsində onun sol ayaq əzələsində yırtıq və qanama aşkarlanıb.
Sloveniyalı futbolçunun azı 2 həftə yaşıl meydanlardan kənarda qalması gözlənilir. O, bu mövsüm “Fənərbaxça”da 28 oyunda 4 qol vurub, 2 məhsuldar ötürmə edib.
Xatırladaq ki, “Fənərbaxça”da ötən gün qapıçı Altay Bayındır də əməliyyat olunub.
