"Qalatasaray" PSJ-dən bu mövsümün əvvəlində icarəyə götürdüyünü Mauro İkardini birdəfəlik almaq istəyir.
Corner.az xəbər verir ki, İstanbul təmsilçisi argentinalı hücumçu üçün 10 milyon avroya yaxın ödəməyə hazırdır. Bildirilib ki, klub yaxşı oyunu və komanda yoldaşları ilə mehriban münasibətinə görə oyunçu ilə 3 illik yeni müqavilə imzalamağı planlaşdırır. O, buna razılıq versə, ilinə 4-5 milyon avro maaş alacaq.
İkardi PSJ-də ilinə 6 milyon 750 min avro qazanırdı.
Qeyd edək ki, 30 yaşlı oyunçu bu mövsüm "Qalatasaray"da 22 matçda 19 qol vurub, 7 qolun ötürməsini verib.
