İspaniyanın “Xetafe” klubunun hücumçusu Enes Ünal uzun müddət yaşıl meydanlardan kənarda qalacaq.
Corner.az xəbər verir ki, bu barədə futbolçu öz İnstaqram hesabında məlumat paylaşıb.
La Liqanın 36-cı turunda səfərdə “Betis”ə 1:0 hesabıyla qalib gəldikləri matçda ağır zədə alan forvard dizindəki çarpaz bağların qopduğunu bildirib.
26 yaşlı hücumçu əməliyyat olunacaq. Onun 6-8 ay müddətində yaşıl meydanlardan kənarda qalması gözlənilir.
Qeyd edək ki, Türkiyə millisinin üzvü bu mövsüm La Liqada 35 oyuna 14 qol vurub, 3 qolun ötürməsini edib. O, La Liqada bombardirlər sırasında 4-cüdür.
