Türkiyə Superliqasına vəsiqə qazanan sonuncu komanda bəlli olub.
Corner.az xəbər verir ki, elitaya vəsiqə uğrunda "Pendikspor" və "Bodrumspor" komandaları pley-off-da üz-üzə gəlib. "Pendikspor" 2:1 hesabı ilə qalib gələrək tarixində ilk dəfə Superliqaya vəsiqə qazanıb.
İstanbulu təmsil edən "Pendikspor" 1950-ci ildə yaradılsa da, 1-ci liqada ilk dəfə bu mövsüm oynayıb. Yəni komanda ilk cəhdində Superliqaya vəsiqəni təmin edib.
Qeyd edək ki, daha əvvəl "Rizəspor" və "Samsunspor" da Superliqaya vəsiqəni təmin etmişdi.
