“Hatayspor”un məşqçisindən Renat Dadaşova dəstək

“Hatayspor”un məşqçisi Gökhan Kağıtçıoğlu Superliqanın XV turunda “Başakşəhər”lə keçirilən oyunla bağlı fikirlərini bölüşüb.

90deqiqe.az xəbər verir ki, baş məşqçi Volkan Dəmirəl cəzalı olduğu üçün komandanı meydana buraxan mütəxəssis millimizin üzvü Renat Dadaşovun qarşılaşmanın son dəqiqələrində penaltini qaçırmasını belə şərh edib.

“Dadaşov bizim penalti vuran futbolçumuzdu. İndiyə qədər vurduğu bütün zərbələr qolla nəticələnmişdi. Ona çox güvənirik. Ancaq futbolda belə hallar olur. Son dəqiqələrdəki yorğunluğun və təzyiqin bunda rol oynadığını düşünürəm”.

Qeyd edək ki, 24 yaşlı forvardının 90+9-cu dəqiqədə penaltini qaçırdığı görüş “Başakşəhər”in 1:0 hesablı qələbəsi ilə yekunlaşıb.