Hakimi döyən klub prezidenti istefa verdi

“Ankaragücü” prezidenti Faruk Koca "Rizəspor"la Türkiyə çempionatının 15-ci tur duelinin hakiminə hücum etdiyi üçün istefa verib və üzr istəyib.

90deqiqe.az xəbər verir ki, bu barədə yerli mətbuat məlumat yayıb.

 “Ankaragücü” – “Rizəspor matçın bitməsindən dərhal sonra meydançaya qaçan Koca hakim Halil Umut Meləri sifət nahiyəsinə vurub. Almacıq sümüyü sınıb xəstəxanaya yerləşdirilən hakimin vəziyyətinin stabil olduğu bildirilib. Həbs edilən Koca hər kəsdən üzr istəyib: “Halil Umut Melerə qarşı etdiyimə görə ondan və ailəsindən, türk hakim camiyəsindən, idman ictimaiyyətindən və millətimizdən üzr istəyirəm”.

Qeyd edək ki, “Ankaragücü” – “Rizəspor” görüşü 1:1 hesabı ilə başa çatıb.