FİFA-dan Türkiyədəki biabırçılığa reaksiya: Görüntülər dəhşətdir ...

FİFA Hakimlər Komitəsinin sədri Pyerluici Kollina Superliqanın 15-ci turunun “Rizəspor”la oyunundan (1:1) sonra “Ankaragücü” klubunun prezidentinin hakimi Halil Umut Meleri döyməsinə münasibət bildirib.

90deqiqe.az xəbər verir ki, o,  “X” sosial şəbəkəsində FİFA-nın bəyanatını yayımlayıb.

“Halil Umut Meler çox yaxşı hakim və çox yaxşı insandır. Nə hakim, nə də bir insan olaraq baş verənlərə layiq deyil. Oyunun sonunda hücuma məruz qalanda, o, sadəcə olaraq öz işini görürdü.Melerin döyülərkən qazonda uzanaraq əlləri ilə başını qorumasının görüntüləri dəhşətlidir.

Səhv də olsa, verdiyi qərara görə hakimə hücum edilməməlidir. “Gözəl oyunu” sevən hər kəs hərəkətə keçməli və nəsə etməlidir. Çox gec olmadan”.