Coşqun Diniyevin komandası "Qalatasaray"a qarşı

Azərbaycan millisinin üzvü Coşqun Diniyevin də formasını geyindiyi "Ümraniyespor" bu gün Türkiyə Kubokunda 5-ci tur oyununa çıxacaq.

90deqiqe.az xəbər verir ki, komanda səfərdə "Qalatasaray"la üz-üzə gələcək. Matç Bakı vaxtı ilə saat 22:00-da başlayacaq. Oyunun baş hakimi İbrahim Aksoy olacaq.

"Qalatasaray" hazırda Türkiyə Superliqasında 51 xalla 2-ci, "Ümraniyespor" isə 1-ci liqada 23 xalla 9-cudur. Bu komandalar son dəfə ötən il üz-üzə gəliblər və "Qalatasaray" 3:2 hesablı qələbə qazanıb.

Qeyd edək ki, Coşqun Diniyev mövsümün əvvəlindən "Ümraniyespor"da çıxış edir. 28 yaşlı yarımmüdafiəçi bu müddət ərzində 19 rəsmi matçda 3 qol vurub və 2 qolun ötürməsini verib.