Türkiyədə futbolçu 29 yaşında vəfat edib

Türkiyənin 2-ci Liqasında çıxış edən "Serik Belediyespor"un futbolçusu Mümin Talip Pazarlı vəfat edib.

90deqiqe.Az-ın məlumatına görə, 29 yaşlı futbolçu qan xərçəngindən dünyasını dəyişib.

“Bu yaxınlarda qan xərçəngi diaqnozu qoyulan futbolçumuz Mümin Talip Pazarlının vəfat etməsini böyük kədər hissi ilə öyrəndik. Ona Allahdan rəhmət, bütün yaxınlarına səbr və başsağlığı diləyirik”, - deyə klubun mətbuat xidmətindən bildirilib.

Mövsümə Türkiyənin üçüncü güclü divizionunda Ankara Dəmirdə başlayıb, qışda isə "Serik Belediyespor"a keçib. Ümumilikdə o, üçüncü divizionda 10 oyun keçirib və 683 dəqiqə meydanda olub.

Pazarlı futbolçu karyerası ərzində “Bəylərbəyi”, “Tire 1922 Spor”, “Korumspor”, “Erzinkanspor”, “Dezkespor” və “Orduspor”da çıxış etməyi bacarıb.