Super Liqada yeni mövsümün püşkü atıldı

Türkiyə Super Liqasında yeni mövsümün püşkü atılıb.

Corner.az xəbər verir ki, “Trabzonspor”un əfsanəvi futbolçusu Cemil Ustanın adının verildiyi 2019/20 mövsümü avqustun 16-da başlayacaq. İlk dövrə dekabrın 29-da başa çatacaq. İkinci dövrə 2020-ci il yanvarın 17-də başlayacaqsa, mövsümə mayın 17-də yekun vurulacaq.

Mövsümün açılış turunda son çempion “Qalatasaray”ı elitaya yeni yüksələn “Dənizlispor”la səfər oyunu gözləyirsə, “Fənərbaxça” doğma meydanda Super Liqanın digər yeni iştirakçısı “Qaziantepspor”la qarşılacaq. “Beşiktaş” isə “Sivasspor” səfərinə yollanacaq.

Türkiyə Super Liqası
1-ci tur (16-19 avqust)

Sivasspor – Beşiktaş
Fənərbaxça – Qaziantepspor
Yeni Malatyaspor – Başakşəhər
Gənclərbirliyi – Rizəspor
Kasımpaşa – Trabzonspor
Kayserispor – Alanyaspor
Konyaspor – Ankaragücü
Dənizlispor – Qalatasaray
Göztəpə – Antalyaspor