"5 idman şərhçisi və 347 sosial şəbəkə istifadəçisi haqqında cinayət işi açılıb"

"Trabzonspor" "Fənərbağça" ilə matçdan sonra sosial mediada edilən şərhlər və paylaşımlarla bağlı açıqlama verib.

90deqiqe.Az-ın məlumatına görə, Qaradəniz təmsilçisi 347 sosial şəbəkə istifadəçisi və 5 idman şərhçisi haqqında cinayət işinin başlandığını bildirib.

"Klubumuzun 2024-cü il martın 17-də “Fənərbağça” ilə oyunundan sonra baş verən hadisələrlə əlaqədar yazılı və vizual mediada klubumuza və ictimaiyyətə qarşı yönəlmiş mesajlar aşkar edilib.

Tənqid hüdudlarını aşan, haqsız, əsassız və hüquqi əsası olmayan paylaşımlar edən 347 sosial şəbəkə istifadəçisi və 5 idman şərhçisi haqqında Türkiyə Cəza Məcəlləsinin və 62.22 saylı Qanunun maddələrinə uyğun olaraq cinayət işi başlanıb.

İctimaiyyətin nəzərinə çatdırmaq istərdik ki, klubumuza qarşı əsassız ittihamlar irəli sürənlərin keçmişdə olduğu kimi məsuliyyətə cəlb olunmasını təmin etmək üçün prosesi yekunlaşana qədər izləyəcəyik."