"Fənərbağça": "Gələn mövsümdən Türkiyə Kubokunda iştirak etməyəcəyik"

Türkiyənin "Fənərbağça" klubu prezidenti və idarə heyətinin üzvlərinin iştirakı ilə növbədənkənar iclas keçirib.

90deqiqe.Az xəbər verir ki, bu barədə komandanın mətbuat xidməti məlumat yayıb. Görüşün nəticələri "Fənərbağça"nın rəsmi saytında yerləşdirilib

“Səsvermə nəticəsində klubun İdarə Heyətinə 4 məsələ ilə bağlı qərar verilib:

1) 2023-cü il Superkubok matçı uyğun bir tarixə dəyişdirilməli və əcnəbi hakim təyin edilməlidir. Əks halda, oyunu oynamayacağıq və ya U19 komandası ilə oynayacağıq.

2) Növbəti mövsümdən iki il Türkiyə Kubokunda iştirak etməyəcəyik və ya U19 komandasını meydana çıxaracağıq.

3) Türkiyədəki futbol fəaliyyətimizlə bağlı veriləcək qərarlardan asılı olmayaraq, lazımi yol xəritəsini müəyyənləşdirin və xarici futbolumuzun strukturlaşmasını həyata keçirin.

4) Lazımi tədbirləri görmək üçün UEFA və FİFA-nın müvafiq şuraları ilə əlaqə saxlayın”, - deyə klubun rəsmi saytında bildirilir.

Bir müddət əvvəl Türkiyənin "Fənərbağça"sının daxili çempionatın 30-cu turunun matçında "Trabzonspor" azarkeşlərinin komandanın futbolçularına hücumu səbəbindən çempionatı dəyişə biləcəyi xəbəri yayılmışdı. Klub Belçika, Hollandiya, İspaniya, Fransa və İtaliya liqaları ilə variantları nəzərdən keçirir. Superliqanın 30-cu turunun matçının final fitindən sonra "Fənərbağça"lıların meydanın mərkəzində qələbəni çılğınlıqla qeyd etməsi, kütləvi şəkildə meydana qaçan doğma azarkeşləri sevindirməyib. Bundan sonra qonaq futbolçuların da iştirak etdiyi dava başlayıb.