"Fənərbağça" Kartal ilə yollarını ayırdı - Rəsmi

"Fənərbağça" klubu baş məşqçi İsmayıl Kartal ilə yollarını ayırıb.

90deqiqe.Az klubunun mətbuat xidmətinə istinadən xəbər verir ki, klub təcrübəli çalışdırıcıya göstərdiyi xidmətlərə görə təşəkkür edib.

Bəyanatda aşağıdakı ifadələrə yer verilib:

"Hər şeyə görə təşəkkür edirik, İsmail Kartal. Rəngləri və tarixi mənsub olduğunuz, formasını qürurla daşıdığınız və şərəflə təmsil etdiyiniz "Fənərbağça" ilə ortaya qoyduğunuz bənzərsiz mübarizə həm sizin, həm də milyonlarla insanın xəyalları olduğuna inam idi. Sizə inanan azarkeşlər bu kluba inanmaqdan vaz keçmədi. Siz gözəl bir iz buraxdınız və hər zaman yaxşı xatırlanacaqsınız".

Xatırladaq ki, yeni baş məşqçi vəzifəsinə Joze Mourinyonun gətiriləcəyi iddiaları var.