“Qazprom” “Beşiktaş”ın sponsoru ola bilər

Rusiyanın neft-qaz şirkəti "Qazprom" Türkiyənin "Beşiktaş" klubunun titul sponsoru ola bilər. 

90deqiqe.Az xəbər verir ki, bu barədə jurnalist Gökman Özkan "X" sosial şəbəkəsindəki hesabında məlumat verib.

Bundan əvvəl "Qazprom"un Macarıstanın "Ferencvaros"un sponsoru ola biləcəyi barədə məlumat yayılmışdı. Qeyd edilib ki, şirkət Macarıstan çempionuna əhəmiyyətli maliyyə dəstəyi verəcək, bu da klubun illik büdcəsini 50 milyon avroya çatdırmağa imkan verəcək.

Qeyd edək ki, “Qazprom” Sankt-Peterburq “Zenit”inin sponsorudur. Daha əvvəl bildirilmişdi ki, "Zenit" "Beşiktaş"dan iki yarımmüdafiəçi - Jedson Fernandes və Baxtiyar Zaynutdinovu transfer etmək üçün danışıqlar aparır.

"Beşiktaş" Türkiyə çempionatının 2023/2024 mövsümünü turnir cədvəlinin altıncı pilləsində başa vurub.