Renat Dadaşov ən dəyərli futbolçular SİYAHISINDA

Türkiyə I Liqasının ən dəyərli 100 futbolçusunun siyahısı dərc olunub.

90deqiqe.Az "Transfermarkt" portalına istinadən xəbər verir ki, "Ankaragücü"də çıxış edən Azərbaycan millisinin hücumçusu Renat Dadaşova da siyahıda yer verilib.

25 yaşlı forvard 1,80 milyon avro dəyərlə 4-cü pillədə qərarlaşıb.

Siyahıya Dadaşovun rumıniyalı komanda yoldaşı Olimpiu Morutan (3 milyon avro) başçılıq edir. Ankara təmsilçisinin digər oyunçusu Efkan Bəkiroğlu (2,20 milyon avro) ikinci, "Amedspor"dan Adama Traore (2 milyon avro) üçüncüdür.

Qeyd edək ki, Renat Dadaşov avqustun 8-də paytaxt klubu ilə 2 illik müqavilə imzalayıb.