Osimhenin qiyməti Türkiyə çempionatında 16 komandadan ibarət heyətin xərcini üstələyib

"Qalatasaray"ın yeni futbolçusu Viktor Osimhen böyük fərqlə Türkiyə çempionatının ən bahalı futbolçusu olub.

90deqiqe.Az-ın məlumatına görə, 25 yaşlı forvard "Napoli"dən icarə əsasında İstanbul klubunun sıralarına qoşulub.

Transfermarkt portalı nigeriyalının transfer dəyərini 100 milyon avro qiymətləndirir - bu, Türkiyə Superliqasında 19 komandadan 16-nın heyətinin ümumi dəyərindən çoxdur. Yalnız “Beşiktaş” (141 milyon), “Fənərbağça” (234) və “Qalatasaray”ın özü (282) tək Osimhendən daha çox dəyərləndirilir.

Türkiyə çempionatının ən bahalı futbolçuları reytinqində ulduz hücumçu ən yaxın izləyicisi Sofyan Amrabatı 78 milyon avro qabaqlayır.