- Türkiyə S.L.
- 21:59 17.09.2024
"Beşiktaş" klubu Vensan Abubakarla yollarını ayırıb.
90deqiqe.Az klubun mətbuat xidmətinə istinadən xəbər verir ki, kamerunlu hücumçu Superliqanın digər təmsilçisi "Hatayspor"a keçib.
"Hatayspor" 32 yaşlı forvard ilə birillik müqavilə imzalayıb.
Qeyd edək ki, ilk dəfə 2016/17 mövsümündə icarə əsasında "Beşiktaş"a transfer olunan Abubakar 2020/21 mövsümündə birdəfəlik "ağ-qaralılar"a keçib.
Bir mövsümdən sonra “Əl-Nəsr”ə imza atan təcrübəli hücumçu 2022/23 mövsümünün fasiləsində yenidən İstanbul komandanın formasını geyinib.
Abubakar “Beşiktaş”da çıxış etdiyi müddətdə 117 matçda 60 qol vurub, 14 məhsuldar ötürmə edib.
