Milli komandanı çalışdırmaq istəmir

"Fənərbağça"nın baş məşqçisi Joze Mourinyo milli komandalarda görülə biləcək işlərlə bağlı açıqlama verib.

90deqiqe.Az xəbər verir ki, bu barədə portuqaliyalı çalışdırıcı insayder Alfredo Pedullaya müsahibə zamanı danışıb.

Mourinyo bildirib ki, hazırda məqsədi "Fənərbağça" ilə uğur qazanmaqdır. Mütəxəssis qeyd edib ki, onun artıq milliyə rəhbərlik etmək imkanları olub, lakin o, bütün bu cür təkliflərdən imtina edib.

“Bu, məni xoşbəxt edəcək iş deyil. İndi çox enerjim var. Ola bilsin ki, mən qocalanda və yorulanda hansısa milli komandaya rəhbərlik edəcəm, amma indi yox"

Xatırladaq ki, Joze Mourinyo bundan əvvəl “Roma”, “Tottenhem”, “Mançester Yunayted”, “Çelsi”, “Real Madrid” və digər klubları çalışdırıb.