Ronaldo "Əl-Nəsr"i "Fənərbağça"ya dəyişir?

"Fənərbağça"nın portuqaliyalı baş məşqçisi Joze Mourinyo ulduz həmyerlisi Kriştiano Ronaldonu Türkiyə klubuna keçməyə razı salmağa çalışır.

90deqiqe.Az-ın “Fotomac”a istinadən məlumatına görə, Mourinyo 39 yaşlı portuqaliyalı futbolçunu qış transfer pəncərəsində “Fənərbağça”ya keçməyə şəxsən razı salmaq üçün danışıqlar aparır.

Ronaldo hazırda "Əl-Nəsr"in heyətində Səudiyyə Ərəbistanı çempionatında oynayır, lakin hələlik ulduz forvard klubunu dəyişməyə həvəsli deyil.

Qeyd edək ki, Kriştianu “Real Madrid”də Mourinyo ilə birgə çalışıb. Xatırladaq ki, Kriştiano Ronaldo bu mövsüm Səudiyyə Ərəbistanı Liqasında “Əl-Nəsr”in heyətində 9 oyun keçirib və bu oyunda 6 qol vurub və iki məhsuldar ötürmə edib.