Mourinyo Ronaldonun mümkün transferinə münasibət bildirib

"Fənərbağça"nın baş məşqçisi Joze Mourinyo hazırda Səudiyyə Ərəbistanının "Əl-Nəsr" klubunda çıxış edən 39 yaşlı hücumçu Kriştiano Ronaldonun mümkün transferindən danışıb.

90deqiqe.Az xəbər verir ki, “Fanatik” təcrübəli çalışdırıcının dediklərini belə çatdırıb.

“Ronaldo yemək üçün İstanbula uça bilər. Şəhər Səudiyyə Ərəbistanı ilə Portuqaliya arasında yerləşir. O da məni ziyarət edə bilər. Onun "Fənərbağça"ya transferi? Bu haqda yazanlar ya gülünc xəbərləri təbliğ edirlər, ya da nə yazdıqlarını başa düşmürlər”

Kriştiano 2023-cü ilin yanvarından Səudiyyə Ərəbistanında çıxış edir. Ronaldonun "Əl-Nəsr"lə hazırkı əmək müqaviləsi gələn ilin yayında başa çatır.