Ziyeç "Qalatasaray"dan ayrılıb

Mərakeşli cinah yarımmüdafiəçisi Hakim Ziyeç "Qalatasaray" klubundan ayrılıb.

90deqiqe.Az xəbər verir ki, bu barədə Türkiyə klubunun mətbuat xidməti məlumat yayıb. Tərəflər qarşılıqlı razılaşma əsasında əmək müqaviləsinə vaxtından əvvəl xitam veriblər.

Bu mövsüm Ziyeç Türkiyə təmsilçisinin heyətində 11 oyun keçirib və cəmi 1 məhsuldar ötürmə edib. Avropada Hakim Hollandiyanın "Ayaks", "Tvente" və "Heerenveen" klubları, eləcə də Londonun "Çelsi"sindəki çıxışları ilə tanınır. Mərakeş millisinin heyətində 31 yaşlı hücumameyilli yarımmüdafiəçi 64 oyun keçirib və 25 qol vurub.