- Türkiyə S.L.
- 20:57 04.12.2025
Türkiyənin "Beşiktaş" klubu Qedson Fernandesi transfer etmək üçün Moskva "Spartak"ı və "Zenit"in təkliflərini rədd edib.
90deqiqe.Az "A Spor"a istinadən xəbər verir ki, İstanbul nəhəngi "qırmızı-ağlar"ın 18 milyon, "mavi-ağ-göylər"in isə 25 milyon avroluq təkliflərini rədd edib.
Fernandes bu mövsüm bütün turnirlərdə 34 oyun keçirib, 8 qol vurub və iki məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 17 milyon avrodur.
