Viktor Osimhenin transfer dəyəri ucuzlaşdı

"Qalatasaray"ın hücumçusu Viktor Osimhen 2024-cü ilin yayından bəri dəyərinin təxminən üçdə birini itirib.

90deqiqe.Az-ın “Transfermarkt”a istinadən verdiyi məlumata görə, nigeriyalı forvardın hazırkı dəyəri 70 milyon avro təşkil edir. Yeni qiymət yeniləməsi ilə onun əvvəlki dəyəri 5 milyon avro azalıb.

Yayda Osimhenin dəyəri 100 milyon avroya çatmışdı. O, 2023-cü ilin yayında, "Napoli"nin çempionluq mövsümündə isə zirvəsində 120 milyon avro dəyərində idi.

26 yaşlı Osimhen hazırda "Qalatasaray"da icarə əsasında çıxış edir və bütün yarışlarda 30 oyunda 26 qol vurub, 5 məhsuldar ötürmə edib.