- Türkiyə S.L.
- 14:20 14.12.2025
"Eyüpspor"un təcrübəli futbolçusu Caner Erkin mövsümün sonunda futboldan ayrılacağı ilə bağlı yayılan xəbərlərə aydınlıq gətirib.
90deqiqe.Az-ın məlumatına görə, 35 yaşlı müdafiəçi şəxsi "Instagram" hesabında etdiyi paylaşımda səhhəti imkan verdiyi müddətcə futbola davam edəcəyini bildirib:
"Sağlamlığım imkan verdiyi qədər oynamağa davam edəcəyəm. Hədəfim 40 yaşına qədər meydanda olmaqdır."
Caner Erkinin meneceri Batur Altıparmak da məsələyə münasibət bildirib:
"Sosial mediada yayılan 'Caner Erkin futbolu buraxdı' xəbərləri həqiqəti əks etdirmir. Futbolçumuz hazırda aktiv karyerasını 'Eyüpspor'da davam etdirir və ruhi-fiziki sağlamlığı imkan verdiyi müddətcə futbol oynamağa davam edəcək," – deyə o, bəyan edib.
