Türkiyə Super Liqasının 2-ci turunda səfərdə “Başakşəhər”lə qarşılaşan “Fənərbaxça” meydandan 2:1 hesablı inamlı qələbə ilə ayrılıb.
Corner.az xəbər verir ki, bu görüş qonaq komanda üçün əlamətdar olub. Belə ki, “Fənərbaxça” 6 mövsüm sonra mövsümün ilk iki turunda qələbə qazanmağı bacarıb. Sözügedən kollektiv bu mövsümün açılış turunda da “Qazişəhər”ə 5:0 hesabıyla qalib gəlmişdi.
“Fənərbaxça” sonuncu dəfə belə uğuru 2011/12 mövsümündə qazanmışdı. Ondan sonrakı 6 mövsümdə komanda ilk iki turda 6 xal qazana bilməyib.
