Dzeko "Fənərbağça"dan ayrıldı

Bosniyalı hücumçu Edin Dzeko “Fənərbağça” klubundan ayrılıb.

90deqiqe.Az-ın məlumatına görə, təcrübəli futbolçu bu barədə şəxsi sosial şəbəkə hesabında paylaşım edərək azarkeşlərlə vidalaşıb.

Dzeko vida mesajında klubla yollarını ayırmağın onun üçün çətin olduğunu bildirib:

“Vidalaşmağın vaxtıdır. Əlvida demək heç vaxt asan olmur, xüsusən də bir klub ‘Fənərbağça’ qədər ürəyimi oxşayanda”

O, həmçinin klub rəhbərliyinə və azarkeşlərə təşəkkürünü ifadə edərək “Fənərbağça”da oynamağın onun üçün böyük qürur olduğunu vurğulayıb.

Edin Dzeko İstanbul təmsilçisinin heyətində iki mövsüm ərzində 99 matçda meydana çıxıb, 46 qola imza atıb və 18 məhsuldar ötürmə müəllifi olub.